Xhudistja kosovare, Distria Krasniqi, ka arritur një tjetër sukses të jashtëzakonshëm duke fituar medaljen e argjendtë në Grand Prix Upper Austria 2025. Gara u zhvillua në Linz, Austri, dhe Distria tregoi një performancë të shkëlqyer në kategorinë deri 52 kilogramë.
Në xhiron e parë, Distria ishte e lirë, ndërsa në xhiron e dytë ajo mposhti me Ippon, Jenna Schurr nga Amerika. Në çerekfinale, Distria shpërtheu me një Ippon tjetër, duke mundur Nikolina Nisavic nga Serbia. Në gjysmëfinale, ajo mposhti me Wazaari, garuesen Reka Pupp nga Hungaria, duke siguruar vendin e saj në finalen e madhe.
Në finale, Distria u përball me xhudisten japoneze Iroha Oi. Pas një beteje të fortë, Distria u mund nga Iroha Oi, por arriti të kthehet në shtëpi me një medalje të jashtëzakonshme argjendi. Ky është një tjetër sukses i madh për xhudisten kosovare, e cila vazhdon të tregojë talentin dhe përkushtimin e saj në sportin e xhudos.
Ky rezultat i rëndësishëm vjen si një dëshmi e punës së palodhur dhe përkushtimit të Distria Krasniqit, e cila vazhdon të përfaqësojë Kosovën me krenari në arenën ndërkombëtare. Medalja e argjendtë në Grand Prix Upper Austria 2025 është një arritje e madhe për sportisten dhe një moment krenarie për të gjithë shqiptarët.
Foto nga Google Images
