Ministria e Jashtme e Iranit ka njoftuar të hënën se ka formuluar dhe dërguar përmes ndërmjetësve një set kërkesash dhe qëndrimesh zyrtare si përgjigje ndaj propozimeve të fundit për një armëpushim me Shtetet e Bashkuara, por i ka cilësuar bisedimet “të papajtueshme me ultimatumet dhe kërcënimet për të kryer krime lufte”. Në një konferencë për shtyp, zëdhënësi i ministrisë, Esmaeil Baghaei, tha se Irani ka përcaktuar kërkesat e tij bazuar në “interesat kombëtare” dhe i ka komunikuar ato përmes kanaleve ndërmjetëse, duke theksuar se kjo nuk duhet konsideruar si kompromis, por si shprehje e qartë e qëndrimit të tij për të mbrojtur pozicionet e tij. Detajet e përgjigjes u bënë të ditura se do të njoftohen në kohën e duhur.
“Irani nuk ngurron të shprehë qartë atë që i konsideron kërkesat e tij legjitime dhe kjo nuk duhet të interpretohet si një shenjë kompromisi, por më tepër si një pasqyrim i besimit të tij në mbrojtjen e pozicioneve të tij”, tha Baghaei ё një konferencë për shtyp.
Baghaei i referohet edhe një propozimi të mëparshëm të Uashingtonit — përfshirë një plan 15‑pikësh — të cilin Teherani e ka refuzuar si “të tepërt”. Raportimet e mediave ndërkombëtare gjithashtu tregojnë se autoritetet iraniane nuk do ta rihapin Ngushticën e Hormuzit si pjesë të një armëpushimi të përkohshëm dhe nuk pranohen presione apo afate të imponuara për të arritur një marrëveshje paqësore.
Kjo deklaratë vjen ndërsa tensionet midis Iranit dhe Shteteve të Bashkuara dhe aleatëve të saj vazhdojnë të jenë të larta, me propozime ndërkombëtare për armëpushim dhe një plan ndërmjetësimi nga vende si Pakistan dhe të tjerë që synojnë një ndërprerje të luftimeve dhe negociata për një zgjidhje më të qëndrueshme. Deri më sot, Irani kërkon jo thjesht një armëpushim të përkohshëm, por një përfundim të qëndrueshëm dhe kërkesat e tij do të shpalosen në kohën e duhur, sipas zëdhënësit të Ministrisë së Jashtme.
Foto nga Goggle Images
Artikulli pregatitur nga ACTVUSA
