Presidentja e vendit, Vjosa Osmani në margjina të Samitit të NATO-s në Uashington ka takuar sekretarin e ri të Jashtëm të Britanisë së Madhe, David Lammy dhe ministren e Punëve të Jashtme të Gjermanisë, Annalena Baerbock.
Osmani në një postim në platformën X shkruan se Mbretëria e Bashkuar mbetet një aleat i palëkundur i Kosovës.
“Në margjinat e Samitit të NATO-s në Uashington D.C, urova Sekretarin e ri të Jashtëm britanik, David Lammy për emërimin e tij. Mbretëria e Bashkuar mbetet një aleat i palëkundur i Kosovës dhe unë pres që të punojmë së bashku për të forcuar më tej lidhjet tona”, shkruan Osmani.
