Pellumb Vrinca këngëtari dhe artisti nga Dukagjini gjithmonë është njohur për veçantinë e këngëve që ai ka sjellë në tregun muzikor Shqiptar, e themi veçantinë sepse Pellumbi është një këngëtar që i ka dhënë përparësi këngëve me tema që prekin realitetin e sotëm në Shqipëri dhe më gjerë.
Pëllumbi ka filluar që herët të këndojë dhe këngët e tij janë kthyer në hite, tashmë është këngëtari më i kërkuar në tregun muzikor, ku krahas videoklipeve dhe projekteve të vazhdueshme të tij ai është i pranishëm dhe në koncerte dasma fejesa dhe evenimenteve të ndryshme brenda dhe jashtë Shqipërisë.
Këngët e tij kanë tematika të ndryshme duke filluar nga Baladat këngët e dashurisë dhe këngët turbo folk, të cilat janë të krijuara më kujdes duke prekur realitetin dhe jetën e popullit tonë.
Pellumbi është një këngëtar shumë i dashur dhe në Kosovë, ku është i pranishëm në festa dhe gëzime të ndryshme atje, këngët e tij të njohura për heronjtë e Kosovës dhe mbarë kombit tonë janë bërë të dashura për fansat dhe publikun e gjerë ku këndohen masivisht në çdo gëzim apo festë familjare.
Kurbeti është një nga ato tema që Pellumbi e ka trajtuar në përgjithësi sepse kjo plagë ka prekur pothuajse çdo familje shqiptare. Dhe këngët me tematikë kurbetin kanë marrë një shikueshmëri dhe popullaritet tepër të madh.
Projekti më i ri i këngëtarit Pellumb Vrinca titullohet “SHKRELI I MALESISË” Dhe i kushtohet tërësisht Malit të Shkrelit, i cili njihet si bajraku i pestë i Malësisë së Madhe, kjo këngë e mrekullueshme vjen e shkruar nga vetë Pellumbi i cili ka bërë dhe muzikën si shumë këngëve të tjera, ndërsa orkestrimin vjen nga Mario Marku, me një videoklip prefesional nga Power Media gjithmonë nën kujdesin e kameramanit Artur Hoxha, në këtë videoklip shikohet qartë se tradita është e pranishme në çdo detaj, pjesë e këtij videoklipi janë dhe valltarët e grupit Jehona e Kelmendit të drejtuar nga zonja e nderuar Dila Vaçaj .
Pellumbi po punon për një sërë projektesh të reja të cilat do të vijnë në të ardhmen e afërt. Deri atëherë ne ju ftojmë të shikoni dëgjoni dhe pse jo ta shkarkoni në galerinë tuaj muzikore këngën “SHKRELI I MALËSISË”
Nga Pal Qarraj./ACTVUSA.COM