Debati për përdorimin e gjuhës shqipe në institucionet shtetërore është përshkallëzuar, pas deklaratës së deputetes së PS, Marjana Koçeku, e cila u shpreh se refuzon të flasë në gjuhën standarde dhe preferon dialektin gegë. Reagimi ka ardhur nga ish-deputeti i PD, Edmond Spaho, i cili ka përdorur tone të ashpra dhe gjuhë kritike ndaj deklaratës së saj. Spaho e cilësoi qëndrimin e deputetes si të papranueshëm për një funksionar publik, duke theksuar se gjuha standarde është një arritje e rëndësishme kombëtare dhe nuk mund të vihet në diskutim në institucionet shtetërore.
