UEFA ka dhënë “dritën jeshile” që Shqipëria të jetë vendi ku do të mbahet eventi futbollistik në vitin 2025
Aleksandra Peshtani
Shqipëria do të mirëpresë kampionatin europian të moshave U17, në vitin 2025.
Lajmi është dhënë nga kryeministri Edi Rama, teksa më herët Federata Shqiptare e Futbollit kishte njoftuarse kishte hyrë në garë për organizimin e këtij kompeticioni, ose Europianin e moshave U19.
Kështu, Kamipnati Europian do të zhvillohet në 4 stadiume të vendit tonë, në “Air Albania, “Loro Boriçi”, “Elbasan Arena” dhe “Egnatia Arena”.
Aktiviteti në fjalë zhvillohet me 16 skuadra dhe ndeshjet do të luhen në qytete të ndryshme të vendit duke pasur parasysh numrin e madh të sfidave.
Gjithashtu, kjo nënkupton që vetë Shqipëria si vend organizator, ka një biletë të siguruar për fazën finale të turneut, një risi për kombëtaren e kësaj grupmoshe e cila nuk ka kaluar asnjëherë më parë fazën e Elite Round,/gazeta-shqip.com
