Projekti Eco Park në Durrës arrin në finalen e çmimit botëror të arkitekturës! Rama: Hapa drejt Shqipërisë së pastërProjekti i Eco Park Durrës
Projekti Eco Park në Durrës ka arritur që të kualifikohet në finalen e çmimit botëror të arkitekturës. Lajmi është bërë me dije nga kryeministri Edi Rama, i cili shkruan se po bëjnë hapa drejt një Shqipërie më të pastër.
DURRËS- Projekti Eco Park në Durrës ka arritur që të kualifikohet në finalen e çmimit botëror të arkitekturës. Lajmi është bërë me dije nga kryeministri Edi Rama, i cili shkruan se po bëjnë hapa drejt një Shqipërie më të pastër.
“I emocionuar të njoftoj se projekti Durrës Ecopark ka arritur në finalen e çmimit prestigjioz botëror të arkitekturës. Duke e shndërruar një landfill dikur famëkeq në një simbol të eko-rezistencës, ne po bëjmë hapa drejt një Shqipërie më të pastër dhe më të gjelbër”, shkruan Rama.
Projekti Eco Park ka transformuar zonën e Porto Romanos nga një landfillu ku hidheshin mbeturinat në një park ekologjik për qytetin e Durrësit. Hapësira e Eco-Park është një territor prej 155 mijë metrash katrorë. Bashkia e Durrësit derdhte çdo vit rreth 80-90 mijë tonë mbetje në Porto Romano, por tashmë mbetjet dërgohen në landfillin e sharrës.
Dizajni për Eco Park është frymëzuar nga mozaiku i famshëm romak, ‘Bukuroshja e Durrësit’, i cili shërben si një metaforë për shndërrimin e një vendi të ndotur në një hapësirë publike për rekreacion dhe edukim mjedisor.
SI.E./Shqiptarja.com
