Pas konsumimit të një vakti është e rëndësishme te evidojmë disa nga zakonet tona, që pothuajse gjithsecili prej nesh i ka bërë të paktën një herë pas ngrënies. Këto zakone ndikojnë negativisht dhe mund të jenë tepër të dëmshme.
Pas një vakti të rëndë, në përgjithësi ndodh që ndiheni të lodhur. Megjithatë, marrja e një sy gjumi menjëherë pas ngrënies nuk është një ide e mirë. Ky zakon dihet se shkakton dispepsi dhe rrit rrezikun e obezitetit dhe sëmundjeve të zemrës. Praktika më e mirë është të flini të paktën 2-3 orë pasi keni ngrënë vaktin tuaj.
Bërja e një dushi
Të bësh dush pas një vakti të rëndë nuk është një gjë e shëndetshme. Ai ndërpret procesin e tretjes dhe devijon rrjedhën e gjakut nga trakti tretës në pjesë të tjera të trupit. Kjo e bën të vështirë për trupin të tresë vaktin që keni ngrënë. Ajo që mund të bëni është të prisni të paktën 30 minuta pasi keni ngrënë para se të shkoni për banjë.
Pirja e cajit
Nëse ju pëlqen të pini një filxhan çaj si pjesë e vaktit tuaj ose menjëherë pas tij, duhet të ndaloni. Gjethet e çajit dihet se janë acide dhe pirja e çajit menjëherë pas një vakti mund të pengojë procesin e tretjes. Acidi në çaj ka tendencë të ngurtësojë përmbajtjen e proteinave të pranishme në ushqimin tuaj, duke e bërë kështu më të vështirë për trupin ta tresë atë. Ekspertët e shëndetit sugjerojnë që të mos pini çaj një orë para dhe pas ngrënies.
Pirja e duhanit
Pirja e duhanit është e dëmshme për shëndetin tuaj afatgjatë. Njerëzit që e kanë zakon të pinë duhan pas vaktit të tyre duhet të dinë se duhani i pranishëm në cigare mund të bllokojë përthithjen e vitaminave dhe mineraleve nga ushqimet e konsumuara. Opsioni më i mirë është të ndaloni fare duhanin. Por nëse kjo është e vështirë, shmangni duhanin për të paktën 20 minuta pas vaktit tuaj të fundit.
Foto nga New York Post.
