Kryeministri Edi Rama mori pjesë në Forumin GLOBSEC, forumin më të madh të sigurisë, i mbajtur në Pragë me prezencën edhe të liderëve të Ballkanit, krahas atyre europianë.
Forumi i Pragës u pasua nga një darkë e përbashkët e liderëve pjesëmarrës.
Gjatë këtij takimi, Kryeministri Rama është parë të takohet me Presidenten e Kosovës Vjosa Osmani.
Në foton e kapur në Pragë, duket një shtrëngim miqësor i duarve mes Ramës dhe Vjosa Osmanit.
Të dy liderët duken teksa bashkëbisedojnë nga afër me njëri tjetrin gjatë pjesëmarrjes në një forum si ky i Pragës që bën bashkë zyrtarët e rajonit, për të adresuar cështjet aktuale të sigurisë europiane./lexo.al
