Iva Mera, vajza e aktorit të mirënjohur të humorit, Behar Mera ishte në studion e “Living Room” në Vizion Plus ku me moderatoren Brunilda Lahe dhe pjesën tjetër të panelit folën për gjyshërit, një temë ku nuk mungoi emocioni.
Me humorin e trashëguar padyshim nga babai, Iva na tregoi me këtë intervistë se sa i mungon ekranit.
Nënë e dy djemve, Arturi dhe Amari, Iva tregoi se fëmijët e saj janë shumë me fat që po rriten me gjyshërit dhe po marrin vlerën e familjes.
Iva tregoi edhe një situatë komike që zbulon shumë për marrëdhënien e Behar Merës me nipat e tij.
“Më erdhi shumë për të qeshur kur në të gjithë show-n e madh që u pa, Arturi i tha në mëngjes babait kur po e dërgontë në shkollë: O Noc Rroku“, duke iu referuar rolit të Beharit në “Papare Najt”.
“Arturi është më i dhënë pas artit dhe e përjeton shumë mirë faktin që është nipi i Behar Merës”, përfundoi Iva./lexo.al
