Shtëpia e Bardhë është e zbukuruar për festat e fundviti. Dy ditë më parë, Zonja e Parë Jill Biden i dha kombit amerikan mesazhin e saj të festës nga Dhoma Lindore e Shtëpisë së Bardhë dhe falënderoi vullnetarët nga i gjithë vendi që ndihmuan në dekorim.
Tema e dekorimit të festave të këtij viti është “Një stinë paqeje dhe drite”. Sipas mediave të huaja, dekorimet janë një pasqyrim i asaj që ka rëndësi për familjen Biden, ndërsa ata festojnë sezonin e Krishtlindjeve në Shtëpinë e Bardhë për herë të fundit.
Më shumë se 300 vullnetarë qëndruan javën e kaluar duke dekoruar hapësirat publike të Shtëpisë së Bardhë me 83 pemët e saj të Krishtlindjeve me afro 10,000 këmbë fjongo, më shumë se 28,000 zbukurime, mbi 2,200 pëllumba letre dhe rreth 165,000 drita të përdorura në kurora./lexo.al
