Më 9 prill 2008, Kuvendi i Republikës së Kosovës miratoi Kushtetutën e Republikës së Kosovës, një akt juridik që shënoi një hap të rëndësishëm në konsolidimin e shtetësisë së Kosovës. Ky dokument, i cili hyri në fuqi më 15 qershor 2008, vendosi bazat e funksionimit të institucioneve shtetërore dhe garantoi të drejtat dhe liritë themelore për të gjithë qytetarët e vendit.
Kushtetuta e Kosovës është e ndërtuar mbi parimet e demokracisë, barazisë dhe sundimit të ligjit, duke e përcaktuar Kosovën si një shtet laik dhe multietnik. Një pjesë e madhe e saj rrjedh nga Plani i Martti Ahtisaarit, duke i dhënë të drejta specifike grupeve minoritare dhe duke krijuar një ambient më të sigurt për të gjithë qytetarët.
Ky dokument përbëhet nga 14 kapituj dhe 162 nene, duke përfshirë dispozita mbi sovranitetin, ndarjen e pushteteve, simbolet shtetërore dhe marrëdhëniet ndërkombëtare. Kushtetuta e Kosovës ka pësuar disa amendamente ndër vite, duke reflektuar ndryshimet e nevojshme për zhvillimin e shtetit dhe përfundimin e mbikëqyrjes ndërkombëtare të pavarësisë.,
9 Prilli është zyrtarisht një festë shtetërore në Kosovë, ku institucionet e vendit e kanë ditë pushimi për të shënuar këtë moment historik. Kjo datë mbetet një simbol i pavarësisë dhe sovranitetit të Kosovës, duke kujtuar rrugën e gjatë të vendit drejt shtetformimit dhe njohjes ndërkombëtare.
Foto nga Google Images
