E shtuna e 17 qershorit i përkiste Arbana Osmanit dhe Eduart Grishajt të cilët kurorëzuan dashurinë e tyre në martesë në Toskana të Italisë.
Që prej fillimit u tha se ceremonia do të ishte shumë private ku të ftuarve iu ndalua edhe publikimi i fotove nga aty në rrjetet sociale.
Premtimet dashurisë u dhanë në një ceremoni të paqtë në kishën San Galgano, në prani të Dom Gjovalinit, familjarëve dhe miqve të tyre më të ngushtë.
Arbana veshi fustane nga dora e stilistit të famshëm iranian që ka veshur shumë personazhe të famshëm, Zuhair Murad. Eduardi dukej tejet elegant në petkun e dy kostumeve, të bardhin në kishë, të ziun në festën e mbrëmjes,-ka zbuluar Revista Who.
Mbrëmja ishte madhështore, çifti e hapi dasmën nën tingujt e këngës së tyre të preferuar: “Kur jemi bashkë ne të dy”. Festën e ndezën tingujt e muzikës së këngëtarëve shqiptarë, Anxhela Peristerit, Klajdi Harunit dhe Brunos e Ylli Limanit. Dhe siç kishte premtuar këndoi dhe vetë dhëndri./iconstyle
