Disa alternativa të “snacks” që reduktojnë inflamacionet
Dietologët kanë këshilluar t’u përmbaheni kombinimeve të duhura në receta.
+ 5 Biskota të shëndetshme me limon të ngrirë
Bukë e thekur me banane dhe gjalpë kikiriku
Për të arritur te një shije e mirë, fillimisht duhet ta thekni bukën. Pastaj e lyeni me gjalpë kikiriku, shtoni copëza të bananes dhe në fund mund ta spërkasni me kanellë.
Bukë integrale me avokado
Thekni një copë bukë integrale, pastaj shtoni sipër një krem nga avokadoja e shtypur. Mund ta spërkasni me pak lëng limoni dhe t’i shtoni fara, sipas dëshirës.
Toptha me limon dhe boronica
Bluani drithërat dhe shtojini boronicat dhe lëngun e limonit. Pastaj mund t’i shtoni arra dhe mjaltë apo sirup “maple” për ta ëmbëlsuar.
Një tas me drithëra, fruta e arrore
Fillimisht zini drithërat duke iu shtuar pak kanellë. Pasi të zihen, i vendosni në tas dhe shtoni fruta të malit apo dardha. Arroret mund t’i kombinoni sipas shijes.
Puding me fara chia
Vendosni farat chia mbi jogurt apo qumësht. Këta përbërës i vendosni në një tas. Pasi të krijohet masa e pudingut (pas afro 15 minutash), shtoni sipër boronica dhe bademe. Kjo mund të bëhet edhe me fruta e arrore të tjera, sipas dëshirës.
