Presidentja e vendit, Vjosa Osmani ka pritur sot në takim shefin e EULEX-it, Giovanni Pietro Barbano.
Bëhet e ditur se temë diskutimi kanë qenë zhvillimet e fundit të sigurisë dhe sundimit të ligjit në vend.
“Presidentja Osmani dhe shefi i EULEX-it Barbano diskutuan edhe për bashkëpunimin ndërmjet institucioneve të Republikës së Kosovës dhe EULEX-it, brenda mandatit teknik të EULEX-it për monitorim, mentorim dhe këshillëdhënie”, thuhet nga Presidenca.
