Sot në Gllogjan të Deçanit është shënuar 26 vjetori i “Epopesë së Dukagjinit” dhe 25-vjetori i ndërhyrjes së NATO-së ndaj caqeve ushtarake serbe.
Përveç qytetarëve të shumtë, në këtë manifestim nuk janë parë as presidentja Vjosa Osmani e as kryeministri Albin Kurti
Në një video të publikuar nga Demos, ai shihet dorë për dore me kreun e AAK-së, Ramush Haradinaj, teksa flisnin dhe qeshnin.
Gjatë fjalimit, para të pranishmëve, Jashari u shpreh se kur shqiptarët të bëhen bashkë do të arrihet amaneti i atyre që ranë brez pas brezi.
“Dhashtë Zoti jemi gjithmonë bashkë me Shqipërinë, me Luginë të Preshevës, me Maqedoninë me shqiptarët e Malit të Zi që të rrugëtojmë bashkë ti arrijmë qëllimet tona shekullore atëherë nëse bashkohemi e kemi kry amanetin e atyre që kanë ra brez pas brezi”, tha Jashari.
Më 24 mars 1998 në Gllogjan ishte zhvilluar beteja frontale nga Forcat e UÇK-së dhe forcave të armikut, të cilat e kishin rrethuar Gllogjanin, ndërsa synim kishin shtëpinë e familjes Haradinaj, ku hasën në rezistencë të fuqishme.
Në këtë ditë ranë dëshmorë Him Haradinaj, Gazmend e Agron Mehmetaj. /Telegrafi/
