Zv. Drejtori i Drejtorisë së të ardhurave Publike, Abdul-Selam Selami, ka konfirmuar se kjo drejtori, ka lidhur marrëveshje me UNDP-në, organizatë prestigjioze e OKB-së.
Marrëveshja ka për qëllim përforcimin e kapaciteteve në luftën kundër evazionit fiskal dhe mashtrimet tatimore, ka deklaruar Selami.
Postimi i tij në rrjetin social:
Drejtoria e të Ardhurave Publike sot lidhi edhe një bashkëpunim serioz, dhe atë me UNDP, me qëllim të përforcimit të kapaciteteve në luftën kundër evazionit fiskal dhe mashtrimet tatimore. Memorandumin e këtij bashkëpunimi e nënshkruan drejtoresha Sanja Llukarevska dhe përfaqësuesi i përhershëm i UNDP Armen Grigorjan, duke premtuar se bashkëpunimi mes dy institucioneve do të vazhdojë edhe në sferat tjera.
Më gëzon fakti që Drejtoria e të Ardhurave Publike edhe më shumë po i përmbush kushtet në kuadër të ingerencave që ka, si kusht për integrim dhe anëtarsim të vendit në Unionin Europian!
