Çokollata e zezë dallon shumë nga ajo e bardha. Ajo është e përbërë nga 70% kakao dhe përmban sasi të lartë flavonoidesh që janë antioksidante të fuqishme. Gjithashtu, çokollata e zezë përmban proteina, fibra, karbohidrate dhe yndyrna.
Për shkak të vetive të tyre antioksiduese, flavanolet janë të dobishme në luftimin e dëmtimit të qelizave që lidhen me plakjen. Dhe megjithëse nevojiten më shumë kërkime, shkencëtarët kanë gjetur gjithashtu disa prova se çokollata më e pasur me flavanol mund të rrisë ndjeshmërinë tuaj ndaj insulinës.
Çokollata e zezë është e mbushur plot me minerale të rëndësishme, duke përfshirë hekur, magnez, zink, bakër dhe fosfor.
Në trupin tuaj, këto minerale përdoren për të mbështetur faktorë të tillë si imuniteti , mbajtja e kockave dhe dhëmbëve tuaj të shëndetshëm si dhe një cilësi të mirë të gjumit.
Antioksidantët në çokollatën e zezë përmirësojnë qarkullimin e gjakut në lëkurën tuaj dhe e mbrojnë atë nga dëmtimi i diellit. Madje, një studim i vogël zbuloi se ngrënia e çokollatës mund ta mbrojë lëkurën tuaj nga efektet e rrezeve UV.
Foto nga FirstCry Parenting, Google.
