Tiranë, 4 janar 2026 – Adriatik Lapaj, kreu i Lëvizjes “Shqipëria Bëhet”, mbeti i lënduar gjatë ndërhyrjes së forcave të Policisë së Shtetit në bulevardin përpara godinës së Kryeministrisë, ku protestuesit kishin qëndruar për ditë me radhë.
Protesta, e cila nisi paqësisht rreth orës 12:00, u shoqërua me tensione kur policia ndërhyri për të larguar me forcë çadrat dhe pajisjet e vendosura nga aktivistët që nga data 8 dhjetor 2025. Gjatë përplasjeve, disa protestues u shoqëruan, ndërsa disa të tjerë u lënduan lehtë, përfshirë edhe Lapajn.
Sipas raporteve mediatike,
Gjatë ndërhyrjes së forcave të policisë për largimin e çadrave dhe pajisjeve të vendosura nga protestuesit përpara Kryeministrisë, u përdorën edhe bombola me gaz. Në këto rrethana, Adriatik Lapaj u lëndua dhe u transportua për të marrë ndihmë mjekësore në spital. Deri më tani, nuk ka një njoftim zyrtar mbi gjendjen e tij shëndetësore.
Ndërhyrja e policisë u zhvillua pasi efektivët u përballën me rezistencë nga protestuesit, të cilët sipas disa raporteve tentuan të çajnë kordonin e policisë pasi pretendonin se po shkrepeshin fotografi ndaj tyre. Adriatik Lapaj u pa ndërkohë duke kundërshtuar këtë praktikë dhe duke kërkuar që protestuesit të mos preken.
“Shqipëria Bëhet” është një lëvizje politike dhe qytetare e themeluar nga Lapaj me qëllim promovimin e reformave dhe dorëheqjen e kryeministrit Edi Rama, dhe prej disa javësh aktivistët qëndronin në “Rezistencë” përpara zyrës së qeverisë, duke kërkuar ndryshime të thella politike.
Pas tensioneve, Lapaj bëri thirrje që çadrat dhe pajisjet të riktheheshin në vendin e protestës dhe njoftoi se protesta do të vazhdojë edhe në ditët në vijim.
Në mungesë të një komunikate zyrtare nga policia, detajet mbi shkaqet e ndërhyrjes apo nëse do të ketë procedime të mëtejshme kundër protestuesve apo drejtuesve të tyre mbeten ende jo të qarta.
Foto nga Google Images
Artikulli i përgatitur nga ACTVUSA
