Sot, më 6 maj 2023, në Tuz, u mbajt Kuvendi i 4-të i Alternativës shqiptare (ASH), partisë më të madhe politike të popullit shqiptar në Mal të Zi, e cila kishte edhe karakter zgjedhor.
Në pjesën ceremoniale të Kuvendit morën pjesë një numër i madh i të ftuarve nga vendi dhe rajoni, kryeministri i Malit të Zi, përfaqësues të partive politike që veprojnë në Mal të Zi, ndërsa Kuvendin e ASH-së e përshëndetën përfaqësues të partive politike dhe institucioneve nga Republika e Shqipërisë, Republika e Kosovës dhe Republika e Maqedonisë së Veriut.
Në pjesën e punës, Kuvendi miratoi Statutin dhe Programin Politik të Alternativës shqiptare, u zgjodh kryetari i partisë, Këshilli Qëndror, si dhe Komisioni Statutor dhe Komisioni Mbikëqyrës.
Kuvendi, për kryetar të partisë, unanimisht zgjodhi z. Nik Gjeloshaj. Vlen të theksohet se ky është kuvendi më i madh dhe më i organizuar i mbajtur ndonjëherë nga një parti politike shqiptare në Mal të Zi.
Statuti i ri i partisë u hartua sipas standardeve dhe rekomandimeve evropiane, në përputhje me synimet e partisë për të qenë së shpejti pjesë e familjeve të mëdha politike evropiane. Gjithashtu, u miratua programi i ri politik, i cili do të jetë themeli i veprimtarisë së ardhshme politike të Alternativës shqiptare.
Kuvendi zgjodhi edhe Këshillin Qëndror të përbërë nga ekspertë të fushave të ndryshme, intelektualë të dëshmuar e të afirmuar, mjekë, doktorë shkencash, ekonomistë, juristë, politologë, inxhinierë, profesorë, të rinj dhe me përvojë, nga të gjitha trevat ku jetojnë shqiptarët.
Këshilli Qëndror u zgjodh në këtë përbërje: Nik Gjeloshaj, mr Marash Dukaj, dr Behar Axhoviq, Artan Çobi, mr Albian Sinishtaj, Edon Balidemaj, dr Angjell Gojçaj, Jeta Hasangjekaj, mr Robert Camaj, Myftar Balidemaj, Drita Rukaj, mr Marko Lucgjonaj, mr Lek Lucgjonaj, mr Albert Bikaj, Luan Kukaj, Edin Kraja, Ardit Molla, mr Esmin Beqaj, mr Luigj Dedvukaj, mr Tomë Lucaj, Iber Hoti, Vilson Junçaj, Agron Camaj, Rexhep Gjokaj, Lindon Gjelaj, Monika Rudoviq, Amella Beqiraj, David Junçaj, Linda Camaj, Martin Lulgjuraj, Fatmir Beqiraj, Lindita Gjonaj, Leonora Gjeloshaj, Sehad Lulanaj, Xhevdet Sinangjoka, Senad Gilaj, Petrit Gjokaj, Medina Beqaj, Kaltrina Hoti, Fisnik Gjokaj, Gjergj Camaj, Smail – Maliq Çunmulaj, Rexhep Çunmulaj, Admir Biorac, Ruzhdi Lluka, Lekë Ivezaj dhe Agron Dushaj.
