Seanca e sotme e Kuvendit të Kosovës ka nisur me debate lidhur me arrestimin e kryeshefit të Korporatës Energjetike të Kosovës, Nagip Krasniqi.
Opozita e ka quajtur skandal të madh një gjë të tillë, derisa ka akuzuar pushtetin se po ndërhynë në sistemin e drejtësisë, duke iu referuar deklaratave të djeshme të bëra pas zhvillimeve që ndodhën në KEK.
Partia Demokratike në nisje të seancës kërkoi që si pikë e parë e rendit të ditës të vendoset raportimi i ministres së Zhvillimit Ekonomik, Artane Rizvanolli për arrestimet që kanë ndodhur dje në KEK.
Por kjo kërkesë e tyre nuk mori mbështetje nga deputetët.
Seanca është duke vazhduar dhe Telegrafi do të t’ju mbajë të informuar për më të rejat. /Telegrafi/
