Këngëtarja e njohur Bebe Rexha u dërgua në spital pasi një i ri në koncertin e saj hodhi një telefon në fytyrën e këngëtares gjatë një koncerti në New York City.
Këngëtarja ishte duke performuar kur 27-vjeçari Nicolas Malvagna “qëllimisht” hodhi një celular drejt saj, ka thënë policia në një deklaratë. Oficerët morën Malvagna në paraburgim në vendngjarje. Më vonë ai u akuzua për sulm.
Rexha ka postuar dy fotografi në Instagram të hënën ku shihet një sy i zi dhe një çarje pranë vetullës së saj.
“Jam mirë”, ka shkruar ajo postimin.
Videoja e shpërndarë nga fansat që ndodheshin në koncert tregon momentin kur Rexha u godit në fytyrë. Rexha u rrëzua në gjunjë dhe mbajti një dorë në fytyrë ndërsa ekipi i saj e ndihmoi të dilte nga skena.
Foto nga Women’s Health, Google.
