Në mesin e lajmeve që po nxjerrin nga terri shkeljet e bluzave të bardha, vjen një lajm që të mbush me pozitivitet dhe me shpresë se ka akoma mjekë që respektojnë prefesionin dhe betimin e Hipokratit.
Pikërisht në spitalin rajonal të Shkodrës Doktori Edi Smajlaj kryen me sukses ndërhyrjen kirurgjikale mjaft të vështirë pas një arresti kardiak.
Doktori Edi Smajlaj kreu nderhyrjen kirurgjikale pas një arresti kardiak tek një 33 vjeçare.
Zbatimi i shërbimit 24 orë në kabinetin e hemodinamikës ka sjellë rritjen e trajtimeve të suksesshme të pacientëve me probleme kardiake.
Rasti i fundit është një paciente 33-vjeçare e diagnostikuar të premten në orën 19:00 nga mjekja Zorada Bekteshi me arrest kardiak.
Në orën 20:00 u krye ndërhyrja në kabinetin e hemodinamikës nga doktor Edi Smaljaj dhe reanimator Dr.Bashkim Kraja, ndërhyrja u krye me sukses dhe pacienti gëzon shëndet të plotë.
Kthimi i kabinetit të hemodinamikës në 24h bën të mundur ndërhyrjen në pacientët me arrest kardiak brenda 2 orëve, duke rezultuar në përmirësim të menjëhershëm, pa efekte kronike në shëndetin e zemrës.
Mirënjohje dhe falenderim për stafin e Kabinetit të Hemodinamikës dhe gjithë stafin e Spitalit Rajonal SHKODER./Postimi pjesërisht nga Spitalit Rajonal Shkoder
