Festivali Ndërkombëtar i Muzikes Elektronike UNUM, ka mbledhur në edicionin e 4-të të tij, në Shëngjin, mijëra të rinj nga vende të ndryshme të botës, në një spektakël unik, që do të vijojë deri në datën 6 qershor.
Falë këtij organizimi, të rinjtë, shqiptarë dhe të huaj, janë bërë pjesë e një atmosfere festive elektrizuese, ku mbi 70 artistë me famë botërore, luajnë muzikë përgjatë 24 orëve në tre skena të vendosura në zonën e Ranës së Hedhun. Këtë vit Festivali Ndërkombëtar i Muzikës Elektronike, zhvillohet nën moton ‘Art, muzikë, aktivitete sportive, promovim dhe kujdes për mjedisin”. Ky festival i ka dhënë gjallëri këtij bregdeti, duke tërhequr vëmendjen e turistëve vendas dhe të huaj, ndërsa për mbarëvajtjen e këtij eventi janë angazhuar insticionet e linjës.
