Forumi Shqiptar në Nju Jork, ka shfaqur brengën për tendencat e përçarjes ndërshqiptare, të nxitur nga element antikombëtar.
Forumi Shqiptar, nëpërmjet një deklarate, fton malësorët të mos ndalin unitetin dhe të kontribuojnë për fitoren e padiskutueshme të Forumit Shqiptar, organizimit politik që bashkon parti, Ojq dhe organizata të ndryshme shqiptare nga Malësia.
Ne mobilizohemi edhe më shumë, kjo na jep vetem vullnet të punojmë më shumë, që në një moment ti çojmë në harres të gjithë këta persona, bashkë me partitë e tyre pa identitet, që po mundohen të bëjnë përçarje, ngatërresa, të përhapin panik, njerëz që nuk na duan dhe nuk duan të na shohin në Malësi me 5 Mars, thuhet në deklaratën e Forumit Shqiptar në Nju Jork.
Postimi i plotë:
Tani le ti rikthehemi edhe një herë grupit të famshëm antishqiptar, që pas skandalit të mbrëmshëm, sot u zgjuan edhe më krenarë me marren e tyre.
Po i quajmë antishqiptar jo për veprimtarinë e tyre të dyshimtë deri dje, por për veprimtarinë e tyre që e filluan dje dhe do ta vazhdojnë me ditë dhe javë të tëra. Deri më tani në fshehtësi, tani po e bëjnë në mënyrë publike, bashkë me partnerët, të gjithë si një grup, që i bashkon vetëm urrejtja ndaj diasporës dhe shqiptarëve në përgjithësi.
Kanë filluar të punojnë me kohë, jo tani por para shumë vitesh, e tani po i shfaqin frytet e punës së tyre, bashkë me fytyrën e tyre të vërtetë, për të bërë të pamunduren që me çdo mjet të ndalojnë diasporën të marrin pjesë në zgjedhjet e 5 Marsit.
Po çfare ndodh në këto raste? kur don t’ja mohosh të drejtën e votës njerëzve që e duan atë vend pa asnje lloj interesi, që kanë pronat, familjet, të kaluar dhe të ardhmen, që gjatë një viti kalendarik investojnë në vendlindje me shumë para se vetë shteti!
Ne mobilizohemi edhe më shumë, kjo na jep vetem vullnet të punojmë më shumë, që në një moment ti çojmë në harres të gjithë këta persona, bashkë me partitë e tyre pa identitet, që po mundohen të bëjnë përçarje, ngatërresa, të përhapin panik, njerëz që nuk na duan dhe nuk duan të na shohin në Malësi me 5 Mars.
Për dijenin tuaj, sot janë lajmruar shumë persona që deri dje nuk kanë qenë të sigurtë se a do udhëtojnë për shkaqe të ndryshme dhe kanë konfirmuar se do udhëtojnë, kështu që bëhuni gati, se ne nuk jemi as të blerë e as të shitur, ne jetojmë të lirë dhe dashurinë tonë ndaj Malësisë nuk ka antishqiptarë që mund ta ndalojë.
