„Forumi Shqiptar“, ka ide dhe platformë për të ardhmen e Malësisë dhe komunës së Tuzit. Ndër projektet kapitale, të prezantuara nga partia që bashkon shqiptarët, për mirëqenien, për zhvillimin ekonomik, rruga Tuz-Vllanë-Matagush do të ndërtohet gjatë mandatit 2023-2027.
Rruga Tuz-Vllanë-Matagush, krijon lidhje më të mirë infrastrukturore për banorët e këtyre anëve, sepse, rruga rikrijon jetën, perspektivën, mobilitetin, këmbimin e shpejtë të vlerave dhe përmirëson mirëqenien e të gjithë qytetarëve të Malësisë.
Ky projekt i “Forumit Shqiptar” si prioritet, e vë qytetarin në fokus, e vë malësorin në rend të parë, standardi i tij, jeta e tij në shtëpitë e veta, andaj, kjo i jep shumë moral fitores së madhe më 5 mars, fitores me votë unike të shqiptarëve, duke shënuar fitoren e madhe të të gjithë qytetarëve pa dallim.
Qytetarët po e shohin qartë se kjo administratë për 4 vite ka punuar më shumë se sa kanë bërë pushtetet e mëparshme gjatë 30 viteve të fundit dhe prandaj zgjedhja se cilin numer duhet rrethuar më 5 mars do të jetë shumë e lehtë.
Forumi shqiptar
Bashkim e Zhvillim
Voti nr. 5
