Një ngjarje e pazakontë ndodhi gjatë një fluturimi nga Tirana drejt Londrës, ku profesioni dhe përkushtimi i një mjeku shqiptar u bënë vendimtar për shpëtimin e një pasagjeri që përjetoi shqetësime serioze shëndetësore gjatë rrugës.
Nje pasagjer në avion filloi të shfaqte simptoma shqetësuese si lipotimi, marrje mendsh, të vjella, diarre, dhimbje abdominale, dobësi të përgjithshme dhe dhimbje koke. Mes tensionit që u krijua në bord, ndërhyrja e Dr. Kristo Papa — i cili ishte udhëtar në atë fluturim — rezultoi vendimtare për stabilizimin e këtij individi.
Dr. Papa, duke dhënë ndihmën e parë me profesionalizëm dhe bashkëpunim me stjuardesat dhe pasagjerët e tjerë, monitoroi gjendjen për më shumë se tre orë deri në uljen e avionit në aeroportin Luton të Londrës, ku pacienti iu dorëzua ekipit mjekësor për trajtim të mëtejshëm.
Ky akt human është përshkruar si një shembull mbresëlënës i profesionalizmit dhe rolit jetik që mjekët luajnë — madje edhe jashtë mjediseve të zakonshme spitalore. Vlerësimet e pasagjerëve dhe ekuipazhit e cilësuan ndërhyrjen si një moment nderues për imazhin e mjekut shqiptar.
Foto nga Google Images
Artikulli i përgatitur nga ACTVUSA
