Ambasadori i Shteteve të Bashkuara të Amerikës në Kosovë, Jeffrey Hovenier ka kërkuar zbatimin e marrëveshjes së Brukselit dhe Ohrit, gjersa ka thënë se SHBA-të kanë besim të plotë në Bashkimin Evropian në ndërmjetësimin e dialogut.
Në samitin e Paqes dhe Demokracisë (KDPS), Hovenier tha se vetëm normalizimi i marrëdhënieve Kosovë-Serbi i sjell dy vendet më pranë institucioneve trans-atlantike.
Ambasadori amerikan gjatë fjalimit të tij tha se SHBA ka besim të plotë në përfaqësuesin e Lartë të Bashkimit Evropian, Josep Borrell dhe ndërmjetësin, Mirosllav Lajçak.
Ndryshe, më 14 shtator u mbajt takimi i nivelit të lartë në dialogun Kosovë-Serbi, ndërmjet kryeministrit Albin Kurti dhe presidentit serb, Aleksandar Vuçiq.
Ky takim përfundoi pa ndonjë dakordim.
E më pas kryeministri Kurti në një konferencë për media në Prishtinë kritikoi ashpër ndërmjetësin Miroslav Lajçak për favorizim të Serbisë.
