1.6 C
Sterling Heights
30/11/2025, 10:03
spot_imgspot_imgspot_imgspot_img

Artikuj te tjere nga Autori

Incident i frikshëm në aeroportin e Denverit: Pasagjerët e një avioni të American Airlines evakuohen me urgjencë

spot_imgspot_imgspot_imgspot_img
BallinaLajmeIncident i frikshëm në aeroportin e Denverit: Pasagjerët e një avioni të...

Një situatë alarmante u regjistrua të shtunën pasdite në aeroportin ndërkombëtar të Denverit, ku një avion i linjës American Airlines u detyrua të ndërpresë nisjen dhe të kryejë një evakuim urgjent të pasagjerëve për shkak të një defekti teknik.

Ngjarja ndodhi rreth orës 14:45 me orën lokale, në bordin e fluturimit AA3023, i cili ishte planifikuar të udhëtonte drejt aeroportit ndërkombëtar të Miamit. Sipas konfirmimeve zyrtare nga Departamenti i Zjarrfikësve të Denverit, defekti u regjistrua teksa avioni tip Boeing 737 MAX 8 ndodhej ende në pistë dhe po përgatitej për ngritje.

Në bord ndodheshin 173 pasagjerë dhe gjashtë anëtarë të ekuipazhit, të cilët u evakuuan të gjithë me sukses.

Burime nga vendngjarja bëjnë me dije se kabina u mbush me tym, çka detyroi ekuipazhin të ndërmerrte menjëherë procedurat e evakuimit, duke vënë në zbatim masat e sigurisë për të shmangur ndonjë incident më të rëndë. Pasagjerët kanë dalë nga avioni përmes rreshkiteseve emergjente, ndërsa njësitë e zjarrfikësve ndërhynë menjëherë për të siguruar vendin dhe për të inspektuar gjendjen e mjetit fluturues.

Fatmirësisht, nuk raportohet për të lënduar rëndë, edhe pse disa persona janë trajtuar për probleme të lehta frymëmarrjeje dhe gjendje ankthi të shkaktuara nga incidenti. Autoritetet lokale dhe American Airlines kanë nisur një hetim të thelluar për të përcaktuar shkakun teknik të defektit.

Ky është një tjetër rast që hedh vëmendjen mbi çështjet e sigurisë së Boeing 737 MAX, një model që në të kaluarën ka qenë i përfshirë në problematika të rënda. Ndërkohë, kompania ajrore ka shprehur keqardhjen për ngjarjen dhe po bashkëpunon ngushtë me autoritetet hetimore.

Pasagjerëve të fluturimit AA3023 u është ofruar akomodim alternativ dhe mbështetje psikologjike, ndërsa pritet që gjatë orëve në vijim të jepen më shumë detaje rreth incidentit dhe masave që do të ndërmerren në vijim.

Foto nga Nasa

Artikulli i përgatitur nga ACTVUSA

Artikujt e fundit

Lajmet e fundit

spot_imgspot_imgspot_img