Sipas tyre, ky ishte një mashtrim dhe ishin të keqardhur që një noter mund të gënjente për të përfituar një shumë të caktuar parash.
Lajmet se Luizi mund ta ketë përdorur sëmundjen dhe më parë për të fituar para kanë sjellë një reagim nga familjarët e tij. Ata kanë bërë një status në rrjetet sociale ku kanë shkruar se dikush po mundohet t’i prishë imazhin këngëtarit ,në një kohë kur ai nuk është prezent për të dhënë shpjegimet e tij apo për t’u vetëmbrojtur.
‘Shumë fjalë të thëna publikisht në vendin jo të duhur dhe në momentin e gabuar! Në një moment kur publiku do dhe vlerëson një artist, dikush mundohet t’i ulë dhe prishë imazhin. Nuk mund të flasim kaq kollaj nëpër media e portale duke ngritur akuza për një person, i cili së pari nuk është prezent dhe mbi të gjitha s’ka mundësinë dhe ‘lirinë e fjalës’, të mbrohet e të japë shpjegimet e tij. Prandaj prisni njerëz, çfarë ju nxiton? Koha është e shkurtër dhe ditët e gjata. #Paqe’, përfundon postimi në Instagramin që mban emrin e Luiz Ejllit. / Pamfleti
