Dje në një atmosferë fitimtare është dorëzuar lista zgjedhore e titulluar Forumi shqiptar – Nik Gjeloshaj “BESA për Zhvillim Evropian”.
Forumi shqiptar i përbërë nga Alternativa Shqiptare, Lidhja Demokratike Shqiptare dhe Unioni Nacional Shqiptar i dorëzoi Komisionit Shtetëror Zgjedhor (KSHZ) listën për zgjedhjet parlamentare të 11 qershorit.
Bartësi i listës është z. Nik Gjeloshaj. Në këtë mënyrë Forumi shqiptar vazhdon rrugën e vetë fitimtare dhe progresive, me synim zhvillimin europian, faktorizimin, integrimin dhe avancimin e të gjitha komunave ku jetojnë shqiptarët. Lista e Forumit shqiptar, si e vetmja listë autentike e shqiptarëve në Mal të Zi, sipas të gjitha sondazheve të opinionit publik, do të dalë fituese bindëse brenda elektoratit shqiptar. Aty ku Forumi shqiptar është në pushtet, aty ka zhvillim, prosperitet dhe lulëzim, rezultati më i mirë i kësaj është komuna e Tuzit dhe me punën tonë i njëjti progres do të vijojë edhe në komunat e Ulqinit, Plavës, Gucisë, Rozhajës etj.
Fryma zhvillimore dhe progresive e Forumit shqiptar dëshmohet nga përbërja e listës zgjedhore, e cila përbëhet nga intelektualë të rangut europian, me përvojë dhe të rinj, gra të suksesshme të komunitetit tonë, ekspert të dëshmuar në fushat e tyre, inxhinierë, juristë, politologë, ekonomistë, profesorë etj.
Më poshtë gjindet përbërja e listës Forumi shqiptar – Nik Gjeloshaj “BESA për Zhvillim Evropian për zgjedhjet parlamentare në Mal të Zi, të cilat do të mbahen më 11 qershor 2023.
