Zevendespresidenti i Shteteve të Bashkuara, JD Vance, zhvilloi sot një ndalesë të rëndësishme në qytetin Howell, Michigan. Ai vizitoi Hatch Stamping Company, qe eshte nje fabrikë per stampime metalike.
Z. JD Vance mbajti nje fjalim dhe audienca përbëhej kryesisht nga mbështetës republikanë, punonjës të fabrikës, komuniteti lokal në Howell dhe zyrtarë republikanë nga niveli federal dhe shtetëror. Ishin të pranishëm figura si përfaqësuesi i SHBA-së Tom Barrett, Sekretarja e Punës Lori Chavez-DeRemer, dhe drejtues të partisë republikane në Michigan.
Vance foli për problemet serioze me krimin në qytetin e Detroit-it dhe ofroi që Gardën Kombëtare ta dërgojë administrata federale në Detroit, nëse guvernatorja Gretchen Whitmer e kërkon këtë. Ai po ashtu përdori rastin për të promovuar ligjin që Republikanët e kanë quajtur “One Big Beautiful Bill,” duke përmendur se taksat do të ulen, do të jetë më lehtë për familjet që ruajnë më shumë nga të ardhurat e tyre, dhe përpjekjet për të mbështetur punëtorët dhe prodhimin vendor.
Vance bëri gjithashtu një pasqyrim emocional për vdekjen e aktivistit konservator Charlie Kirk, duke thënë se ai nuk do të ishte aty pa ndikimin që ky organizator politik ka pasur — një pjesë që lidhej me temën e debatit publik dhe rëndësinë që Vance i jep lirive të shprehjes dhe angazhimit politik.
Ai iu drejtua audiences entuziaste me një mesazh që pritet të ndezë debatin politik në Michigan dhe më gjerë. Duke iu referuar situatës së kriminalitetit në Detroit, Vance tha se administrata federale është e gatshme të ofrojë mbështetje të drejtpërdrejtë për qytetin më të madh të shtetit.
“Mesazhi im për Gretchen Whitmer është i thjeshtë,” tha ai. “Qyteti i Detroit-it ka probleme serioze me krimin. Dhe ne e dimë se janë vetë banorët e Detroit-it ata që vuajnë më shumë kur krimi lejohet të shëtisë lirshëm në rrugët e qytetit. Gretchen, ne jemi të lumtur të dërgojmë Gardën Kombëtare në Detroit, Michigan. Gjithçka që duhet të bësh është të kërkosh.”
Deklarata e Vance nuk ishte thjesht një propozim teknik për sigurinë publike. Ajo erdhi në një kontekst politik të tensionuar: guvernatorja demokrate Gretchen Whitmer ka qenë shpesh në shënjestër të kritikave nga republikanët, të cilët e akuzojnë për mungesë menaxhimi ndaj problemeve të kriminalitetit në Detroit.
Në të njëjtën kohë, përmendja e Gardës Kombëtare ka rezonancë të fortë politike. Për shumë qytetarë, pranimi i ndërhyrjes federale shihet si shenjë dobësie nga ana e autoriteteve lokale. Për republikanët, megjithatë, ky është një mjet për të treguar gatishmëri ndaj ligjit dhe rendit, një temë që ka qenë boshti i fushatës së tyre politike.
Ai shfrytëzoi vizitën për të folur jo vetëm për sigurinë publike, por edhe për ekonominë, industrinë e automobilave në Michigan dhe sfidat që përballen familjet punëtore.
“Michigan është zemra e Amerikës prodhuese,” u shpreh ai. “Ne duam të sigurohemi që puna e fortë e burrave dhe grave të këtij shteti të shpërblehet, jo të dëmtohet nga krimi, burokracia dhe mungesa e vizionit.”
Vizita e Vance në Howell ishte më shumë sesa një ndalesë elektorale. Ajo synoi të dërgojë një mesazh të qartë: administrata e Trump dhe Vance e sheh Michigan-in si një shtet kyç, ku ekonomia, siguria dhe politika urbane do të luajnë një rol vendimtar në të ardhmen.
Duke përfunduar fjalimin e tij, Vance u shpreh: “Ne jemi këtu për të dëgjuar njerëzit e Michigan-it dhe për të qëndruar pranë tyre. Siguria, puna e ndershme dhe stabiliteti i komuniteteve nuk janë çështje partie, por çështje jetike për të ardhmen e Amerikës.”
Foto nga Google Images
Artikulli i përgatitur nga ACTVUSA
