Presidentja e re e Kosovës, Justina Shiroka-Pula, ka mbajtur fjalimin e saj të parë pas zgjedhjes në krye të shtetit, duke e cilësuar detyrën e re si një përgjegjësi të madhe ndaj qytetarëve dhe Republikës së Kosovës.
Në fjalimin e saj, Shiroka-Pula tha se e pranon detyrën “me nder të madh dhe me përgjegjësi të plotë”, duke theksuar se mandati i saj nuk i përket një individi apo një force politike, por të gjithë qytetarëve të Kosovës.
“Sot e pranoj me nder të madh dhe me përgjegjësi të plotë detyrën e Presidentes së Republikës së Kosovës. Ky mandat nuk i përket vetëm një personi, ai i përket qytetarëve tanë, institucioneve tona dhe shtetit për të cilin shumë breza sakrifikuan”, deklaroi ajo.
Presidentja e re u zotua se do të jetë përfaqësuese e të gjithë qytetarëve, pavarësisht përkatësisë së tyre politike, etnike apo shoqërore.
“Do të jem Presidente e të gjithë qytetarëve, do të dal pa dallim politik, etnik apo shoqëror. Do të punoj për unitet, drejtësi, zhvillim dhe për forcimin e institucioneve tona. Kosova duhet të ecë përpara”, tha Shiroka-Pula.
Mesazhi i saj i parë në këtë detyrë u përqendrua te uniteti institucional dhe shoqëror, forcimi i shtetit dhe përgjegjësia që ajo merr në përfaqësimin e Republikës së Kosovës.
Zgjedhja e Shiroka-Pulës erdhi pas një procesi të gjatë politik dhe në një moment vendimtar për institucionet e Kosovës. Me marrjen e detyrës së Presidentes, ajo përballet me përgjegjësinë për të përfaqësuar unitetin e shtetit dhe për të ushtruar kompetencat kushtetuese të kreut të Republikës.
Nga foltorja e Kuvendit, mesazhi i saj ishte i qartë: mandati presidencial duhet të shërbejë përtej ndarjeve politike dhe të jetë në funksion të shtetit dhe qytetarëve.
“Kosova duhet të ecë përpara”, tha Presidentja e re. Tashmë, kjo deklaratë përbën edhe sfidën kryesore të mandatit të saj: ta kthejë premtimin për unitet, drejtësi, zhvillim dhe institucione më të forta në një përgjegjësi konkrete në krye të shtetit.
“Sot e pranoj me nder të madh dhe me përgjegjësi të plotë detyrën e Presidentes së Republikës së Kosovës. Ky mandat nuk i përket vetëm një personi, ai i përket qytetarëve tanë, institucioneve tona dhe shtetit për të cilin shumë breza sakrifikuan.
Do të jem presidente e të gjithë qytetarëve, do të dal pa dallim politik, etnik apo shoqëror. Do të punojë për unitet, drejtësi, zhvillim dhe për forcimin e institucioneve tona. Kosova duhet të ecë përpara”, deklaroi ajo.
Foto nga Google Images
Artikulli përgatitur nga ACTVUSA
