Presidentja e Kosovës, Vjosa Osmani, ka riafirmuar synimin e vendit të saj për t’u anëtarësuar në NATO, duke e cilësuar këtë si një domosdoshmëri për paqen dhe stabilitetin rajonal dhe global. Në një takim të fundit me Sekretarin e Përgjithshëm të NATO-s, Mark Rutte, Osmani theksoi rëndësinë e partneritetit të Kosovës me Aleancën më të fuqishme të sigurisë në botë.
Sot Presidentja Vjosa Osmani postoi ne mediat sociale:
“ Kosova në NATO nuk është vetëm përcaktim strategjik – por domosdoshmëri për paqen.
Në takim me Sekretarin e Përgjithshëm të NATO-s, Mark Rutte, riafirmuam partneritetin tonë me Aleancën më të fuqishme të sigurisë në botë
Si vend që ka tejkaluar objektivin e NATO-s për investime në mbrojtje prej 2% të GDP-së dhe po ndërton një forcë moderne të sigurisë, në përputhje me standardet e Aleancës, synimi ynë është i qartë: anëtarësimi në NATO si një kontribuues i palëkundur për sigurinë rajonale dhe globale.”
Osmani vuri në dukje se Kosova ka tejkaluar objektivin e NATO-s për investime në mbrojtje prej 2% të GDP-së dhe po ndërton një forcë moderne të sigurisë, në përputhje me standardet e Aleancës. Ajo theksoi se anëtarësimi në NATO është një synim i qartë për Kosovën, duke e cilësuar vendin si një kontribuues të palëkundur për sigurinë rajonale dhe globale.
Në konferencën për shtyp pas takimit, Osmani shprehu mirënjohjen e popullit të Kosovës për kontributin vendimtar të NATO-s në lirinë e vendit.,Ajo theksoi se Kosova është një shembull suksesi dhe një demokraci që angazhohet për të qenë jo vetëm përfituese e sigurisë, por edhe kontribuuese e saj.
Foto nga Google Images
