Më 13 qershor 2025, Kosova dhe Shtetet e Bashkuara të Amerikës do të nënshkruajnë një marrëveshje kornizë për bashkëpunim në mbrojtje, një hap i rëndësishëm në forcimin e marrëdhënieve strategjike mes dy vendeve. Ceremonia e nënshkrimit do të zhvillohet në Washington, në Departamentin e Mbrojtjes, ku do të formalizohet një partneritet që do të zgjasë deri në vitin 2030.
Një hap i rëndësishëm drejt sigurisë dhe stabilitetit
Kryeministri i Kosovës, Albin Kurti, ka deklaruar se kjo marrëveshje është një moment kyç për avancimin e kapaciteteve mbrojtëse të Kosovës dhe për forcimin e bashkëpunimit me SHBA-në. Marrëveshja përfshin planifikimin e mbrojtjes, menaxhimin e resurseve, ndërtimin e kapaciteteve strategjike ushtarake dhe bashkëpunimin për angazhime rajonale dhe ndërkombëtare.
Kosova, mikepritese e “Defender Europe 2025”
Përveç kësaj marrëveshjeje, Kosova do të jetë mikepritese e ushtrimit më të madh ushtarak amerikan në Evropë, të njohur si “Defender Europe 2025”, një stërvitje e rëndësishme që do të angazhojë mbi 1,000 ushtarë të Forcave të Sigurisë së Kosovës.,Ky ushtrim do të ndihmojë në rritjen e aftësive mbrojtëse të Kosovës dhe në integrimin e saj në strukturat ndërkombëtare të sigurisë.
Rrugëtimi drejt NATO-s
Kosova ka bërë hapa të rëndësishëm drejt anëtarësimit në NATO, duke investuar në modernizimin e ushtrisë dhe rritjen e kapaciteteve mbrojtëse. Kryeministri Kurti ka theksuar se gjatë mandatit të tij është bërë dyfishimi i numrit të ushtarëve, trefishimi i buxhetit dhe katërfishimi i trajnimeve jashtë vendit, duke e bërë Kosovën një partner të besueshëm në fushën e mbrojtjes.
Nënshkrimi i kësaj marrëveshjeje shënon një moment historik për Kosovën, duke e forcuar pozicionin e saj si një aleat i rëndësishëm i SHBA-së dhe duke e çuar më pranë objektivit të saj për integrim në strukturat euroatlantike.
Foto nga Google Images
