Prej disa kohësh është vënë në dyshim raporti që Luiz Ejlli ka me disa nga ish-banorët e “Big Brother Vip Albania”. Pas përfundimit të kësaj eksperience, shumë prej tyre ndanë rrugët, e të tjerët mbetën miq.
I shumë komentuar ka qenë edhe raporti mes Luizit dhe Armaldo Kllogjerit, të njohur si Maestro. Mjaftoi një “unfollow” në Instagram që shumë të thonin se ata të dy nuk janë më miq.
Mirëpo, një postim i bërë nga Luizi sot tregon të kundërtën. Ai ka ndarë me ndjekësit një foto të një gjobe bashkë me lejen e drejtimit të Maestros. Me humor shkruan krah saj: “I kanë vendosur gjobë se ka nominuar Kiarën”.
Kështu, Luizi ka lënë të kuptohet jo vetëm se kanë raporte korrekte, por edhe se janë takuar.
Tashmë mbetet një foto e përbashkët që të gjithë të heqin dyshimet për shoqërinë e tyre!/iconstyle
