Disa fëmijë në Greystones, Irlandë, mund të duhet të presin deri në vitet e adoleshencës për të pasur një telefon. Lajm ky, i cili ka fituar mbështetjen e shumë prindërve të zonës.
The Guardian raportoi se prindërit në qytetin bregdetar, janë bashkuar për të ndaluar përdorimin e smartfonëve derisa fëmijët të arrijnë shkollën e mesme,pra në moshën 12 ose 13 vjeç.
Shpresa është se ndalimi do të ndihmojë në zgjatjen e fëmijërisë duke pakësuar ankthin dhe ekspozimin ndaj materialeve të të rriturve që përdorimi i smartfonëve shpesh shkakton.
Shoqatat e prindërve në tetë shkollat fillore të distriktit, ku fëmijët variojnë nga 4 deri në 12 vjeç, mund të zgjedhin ndalimin, raportoi The Guardian. Është menduar të zbatohet jo vetëm në shkollë, por edhe në shtëpi. Shkollat e zonës tashmë kanë ndaluar ose kufizuar përdorimin e telefonit celular, por efektet e mediave sociale mbetën të pranishme, sipas raportit.
Jo të gjithë prindërit kanë zgjedhur të marrin pjesë, por Rachel Harper, një drejtoreshë e shkollës fillore që udhëhoqi nismën, i tha botimit se mjaft prindër kanë zgjedhur të bëjnë një ndryshim domethënës.
“Shpresojmë që do të bëhet norma e re”, tha ajo për The Guardian.
Foto nga ABC News, Google.
