Parku Kombëtar i Lurës është një park kombëtar i cili ndodhet në verilindje të Shqipërisë. Ky park është goxha i njohur për liqenet e tij që mbartin një bukuri të rrallë natyrore.
Në këtë zonë ndodhen gjithsej 12 Liqene . Ndër më të njohurat mund të përmendim dhe Liqenin e Madh, Liqenin e Zi, Liqenin e Lopëve, Liqenin e Luleve etj.
Vecantia e pamjes së liqeneve qëndron te fakti se mbi to rriten bimë ujore të tilla si zambaku i ujit krah me lule të mëdha në ngjyrë të bardhë.
Nuk duhet lënë mënjanë fakti se drurët që ndodhen afër liqenit janë shumë të vjetër , me një moshë shekullore. Pyjet e dendura të ahut shkojnë deri në lartësine 1600-1700 metra. Ndërkohë pishat e zeza si dhe ato të bardha rriten mbi lartësinë e 1700 metrave duke i dhënë pyllit përreth një pamje mbreslënëse.
Gjatë stinës së verës bimët mbi ujë, i mbulojnë liqenet duke ju dhënë një pamje mahnitëse.
Duhet përmendur se liqenet e Lurës janë liqene akullnajore. Një pjesë e liqeneve mbulohen nga akulli gjatë dimrit të ftohtë , por në të njëjtën kohë shumë prej tyre mund të thahen gjatë verës së nxehtë.
Liqenet më së shumti karakterizohen nga pishat e larta, nga uji i kristaltë dhe i pastërt. Aroma e luleve shumëngjyreshe na fal qetesinë e natyrës , siç dhe ajri i pastër dhe qetësues na ndihmon te relaksohemi. Pamjet qe na ofrojnë këto liqene janë magjepsëse dhe nuk duhen humbur.
Foto mare nga Happiness is travelling.
