Kryeministri Edi Rama ka ndarë foto nga liqeni i Tiranës këtë të dielë, si një prej destinacioneve më të preferurara të fundjavës në kryeqytet.
“Liqeni i Tiranës”, shkruan Rama, teksa ka publikuar në rrjetet sociale një seri fotosh nga atmosfera në liqenin artificial të kryeqytetit.
Parku i madh i Liqenit të Tiranës ka qenë gjithmonë oazi i kryeqytetasve në ditët e nxehta të verës, por edhe e atyre që duan natyrën dhe aktivitetet fizike me shëtitje apo vrapim.
Investimet e fundit me rrugicat, molin, këndet edukative dhe sportive e kanë bërë edhe më tërheqës. Tashmë, fëmijë e të rritur mund të gjejnë aktivitetin e preferuar në freskinë e pemëve dhe liqenit.
