Në datën 10 gusht 2025, në amfiteatrin natyror të Qafës së Predelecit, u zhvillua festivali i njohur “Logu i Bjeshkëve”, një ngjarje që bashkon traditën, artin dhe bukurinë e vajzave të veshura me xhubletë. Ky vit solli tre fituese të veçanta që u dalluan për bukurinë, talentin dhe angazhimin e tyre në ruajtjen e kulturës shqiptare.
Aurora Lulaj – Miss Bjeshka 2025
Aurora Lulaj, e lindur në Itali dhe që jeton në Kanada, u shpall Miss Bjeshka 2025. Ajo ka marrë kurorën nga Miss Lili Lashaj, e cila e mbajti këtë titull për një vit. Aurora është një përfaqësuese e bukurisë dhe kulturës shqiptare në diasporë, duke treguar se tradita vazhdon të jetojë përmes brezave.
Clementina Pelaj – Shtojzovallja e Bjeshkëve 2025
Clementina Pelaj, nga Kastrati, por e lindur dhe rritur në Itali, u shpall Shtojzovallja e Bjeshkëve 2025. Ajo ka studiuar për pikturë dhe ka pasur dëshirë të madhe të vishte xhubletën malësore dhe të merrte pjesë në Logun e Zanave. E veshur me xhubletën e llirjanes, Clementina u zgjodh për këtë titull prestigjioz. Ajo është një shembull i bukurisë dhe krenarisë së traditës shqiptare.
Emmanuella Lumaj – Zana e Maleve
Emmanuella Lumaj, një studente e shkëlqyer në degën e mjekësisë në Michigan State University, fitoi vendin e dytë si “Zana e Maleve” në Logun e Bjeshkëve. Ajo është një aktiviste e palodhur në komunitet dhe në universitetin ku studion, me Shoqatën Studentore Shqiptaro-Amerikane (AASO). Në moshën 19 vjeçare, me një lartësi prej 185 cm, Emmanuella ka një shpirt të bukur dhe të pastër. Ajo transmeton mirësinë, finesën dhe elegancën në gjithçka bën, duke përfshirë pikturën, të cilën e ka pasion.
Foto nga Google Images
Artikulli i përgatitur nga ACTVUSA
