Lëvizja Vetëvendosje ka publikuar një tjetër video këtë të enjte, përmes së cilës ka kritikuar Lidhjen Demokratike të Kosovës për qasjen në ekonomi
Sipas tyre, “ekonomia e LDK-së” është në shërbim të grupeve të interesit.
Pas kësaj ka reaguar deputeti i LDK-së, Avdullah Hoti
Hoti ka ironizuar duke thënë se “prita se do të jetë ndonjë video se sa është zvogëluar importi i mallrave nga Serbia”.
“Prita se është ndonjë video që tregon sa kanë qenë investimet e jashtme, sa vende pune janë krijuar, sa është zvogëluar importi i mallrave nga Serbia, sa ka qenë rritja ekonomike, sa është reduktuar inflacioni nga politikat e Qeverisë?! Por, JO! Ishte video për të vetmen gjë që dinë ta bëjnë — propagandë për mashtrim të publikut”, ka shkruar Hoti. /kohanet
