Sot vetëm para pak orësh, Evis Kushi ministrja e arsimit ka bërë të ditur në rrjetin e saj social Facebook se vetëm në 13 shkolla që ndodhen në disa njësi administrative të Shkodrës , procesi mësimor nuk do të fillojë në ditën e hënë. Shkak kjo , i situatës së rënduar të rreshjeve të dëborës.
Kushi ka bërë me dije se pjesa më e madhe e 56 shkollave të mbyllura do të vazhdojnë procesin mësimor dhe vetëm 13 prej tyre të përmendura më poshtë do të jenë të mbyllura deri në një njoftim të dytë.
Njoftimi i ministres i bërë në Facebook:
“
Të dashur nxënës, prindër dhe mësues,
Strukturat tona arsimore, së bashku me bashkitë, kanë qenë në terren gjatë gjithë fundjavës për të marrë të gjitha masat e nevojshme për një fillim sa më të mbarë të procesit mësimor ditën e hënë.
Fatmirësisht, pjesa më e madhe e shkollave ku u ndërpre mësimi javën e kaluar janë kthyer në normalitet, përveç 13 shkollave në disa njësi administrative të Shkodrës (Pult, Shosh dhe Shalë), ku për shkak të situatës së rënduar nga reshjet e dëborës, procesi nuk mund të fillojë ditën e hënë.
- Shkolla e Mesme e Bashkuar “Mehmet Shpendi”, Shalë,
- Shkolla 9-vjeçare “Gimaj”, Shalë,
- Shkolla 9-vjeçare “Theth” Shalë,
- Shkolla 9-vjeçare “Don Prek Ndrevashaj”, Shosh,
- Shkolla 9-vjeçare “Palaj”, Shosh,
- Shkolla Fillore “Nicaj”, Shosh,
- Shkolla 9-vjeçare “Kir”, Pult,
- Shkolla Fillore “Kasnec”, Pult,
- Shkolla Fillore “Pog”, Pult,
- Shkolla 9-vjeçare “Bruçaj”, Pult,
- Shkolla 9-vjeçare “Plan”, Pult,
- Shkolla Fillore “Maja Thanës”, Pult,
- Shkolla 9-vjeçare “Xhan”, Pult.
Mbetemi të angazhuar maksimalisht me strukturat tona arsimore, duke besuar fort edhe në bashkëpunimin sa më të ngushtë me njësitë administrative përkatëse të Bashkisë Shkodër, që të punojmë së bashku për rikthimin sa më shpejt në normalitet edhe në këto shkolla.
Faleminderit për mirëkuptimin!”
