Moderatorja shqiptare rrëfen prapaskenat e jetës në çift:
Moderatorja Dojna Mema ka treguar disa nga prapaskenat e jetës në çift. Ai që në dukje mund të duket çifti perfekt në të vërtetë ka edhe përplasje mes tyre. Vetë Dojna në një emision ka rrëfyer se ka pasur shpeshherë debate mes saj dhe Vlashentit ku dhe shumë herë është larguar nga shtëpia.
Ajo u shpreh se para se të bëheshin prindër dhe jetonin në shtëpinë e tyre të vjetër, valixhja e saj rrinte gjithnjë gjysmë gati.
“Nuk jemi të qetë fare nëse përplasemi. Madje, kur rrinim tek apartamenti i vjetër valixhja ime rrinte gjithmonë gjysmë e bërë.
Në momentin që bëhet një debat i fortë më fshihet në atë moment çdo gjë që ka ekzistuar përpara dhe them “Kjo nuk është jeta që dua”.
Dhe e kam gjithnjë valixhen gati dhe shtoj vetëm ndonjë gjë kështu, është ajo pjesa e dramacitetit. E mbyll dhe e tërheq. Jam larguar shumë herë. Mbi 20 herë, por kthehesha ditën tjetër.
Kur sa je njohur është ai që vjen të kërkon, pastaj ta merr dorën dhe ti thjesht kthehesh vetë. Por, tani që është djali sigurisht që nuk e bëj më. Futem te dhoma dhe e reflektoj me veten”, ka thënë Dojna Mema. /gazetatema.net
