Të hamë vakte të rënda gjatë darkës? Të gjithëve na ka ndodhur. Teksa jemi duke punuar natën vonë ose jemi duke parë shfaqjet tona të preferuara televizive, ndiejmë shumë uri. Kjo më pas na shtyn të konsumojmë ushqime të dëmshme.
Gjatë gjithë ditës, ne përpiqemi të hamë ushqime të shëndetshme dhe me vlera ushqyese, por vetëm një vakt i gabuar në kohën e gabuar mund të prishë një ditë të tërë pune.
E gjithë dieta e mbajtur, stërvitja që bëjmë dhe kontrolli i kalorive që mbajmë, shkatërrohen për shkak të një vakti.
Nëse jeni ndër ata që hanë shpesh natën vonë, ja pse kjo është e keqe.
Ja cilat janë efektet pasi konsumojmë ushqim natën vonë:
Ndërprerje e gjumit: Njerëzit që hanë vonë zakonisht kanë tendencë të flenë vonë. Gjithashtu, kjo mund të jetë arsyeja e ëndrrave konfuze gjatë natës.
Tretje e dobët: Kur hani një darkë vonë, kjo çon në disa probleme gastrike. Kjo për shkak se ushqimi nuk tretet siç duhet dhe rezulton në sekretim të tepërt të acidit në stomak.
Shtimi në peshë: Metabolizmi i trupit tuaj ngadalësohet gjatë natës. Gjithashtu, nuk është aq efektiv në djegien e kalorive sa është gjatë ditës. Kështu, ngrënia vonë çon në shtim në peshë.
Efekte në shëndetin mendor: Kur nuk keni fjetur siç duhet, zgjoheni duke u ndjerë i irrituar dhe pa humor. Për shkak të ngrënies vonë, ju ngatërroni orën e trupit tuaj. Kjo rezulton në shanse më të larta për depresion dhe ankth.
Rritje e presionit të gjakut: Ngrënia dhe gjumi vonë natën mund të çojnë gjithashtu në hipertension dhe diabet.
Foto marë nga UPMC.
