Qyteti i Gjirokastrës është vlerësuar për një kohë të gjatë për vecantinë e tij. Qyteti i gurtë mbart prej kohësh vlera të mëdha historike, kulturore si edhe artistike.
Nisur nga viti 2005 qyteti është shpallur monument i trashëgimisë kulturore botërore nën mbrojtjen e UNESCO-s. Dhe teksa vizitohet gjatë gjithë muajve të vitit nga shumë turistë, pazari i vjetër dhe përgjithësisht pjesa e vjetër e qytetit shihet të jetë një nga pikat që rrëmben vëmendjen me te madhe persa i perket turizmit.
Ky pazar është ndërtuar në fund të shekullit XVIII dhe fillim të shekullit XIX dhe vlen të përmendet se arkitektura i përket stilit otoman.
Rrugët e pazarit të vjetër janë të shtruara me kalldrëm dhe përgjatë tyre gjenden rreth 100 dyqane të ndryshme. Shumë mund ta krahasonin atë edhe me pazarin e Korcës , por pazari i Gjirokastrës e mban vecantinë tek fakti se ai ndodhet në një zonë të thepisur.
Është pothuajse e pamundur mos ndaloni në dyqanet që ndodhen aty për të mos marë një suvenir me vlere me vete ose nje krijim artizanal te punuar prej druri pasi shumë njerëz të talentuar shesin të tilla. Sigurisht nga qendra e pazarit më pas jepet edhe mundësia për të vizituar kalanë e famshme të Gjirokasrës. Sigurisht pazari ofron restorante si dhe hotele me pamjen e qytetit të vjetër.
Foto marë nga Saranda News.
