NASA ka konfirmuar se grupeve në Turqi u janë dërguar njësitë FINDER – një teknologji spinoff e NASA-s që mund të zbulojë njerëzit e bllokuar nën rrënoja – për të ndihmuar në shpëtimin e jetëve pas tërmeteve të fuqishme në Turqinë juglindore javën e kaluar.
Një pajisje e vogël me përmasa valixheje, FINDER, është një bashkëpunim midis Laboratorit të Propulsionit Jet të NASA-s në Pasadena, Kaliforni, dhe Drejtorisë së Shkencës dhe Teknologjisë të Departamentit Amerikan të Sigurisë Kombëtare në Uashington.
Tërmeti më i fuqishëm i Turqisë në pothuajse 100 vjet goditi afër qytetit të Gaziantep, i cili është shtëpia e rreth 2 milionë njerëzve dhe në kufir me Sirinë. Ky tërmet vrau rreth afro 40,000 njerëz në Turqi dhe Sirinë fqinje.
Tërmeti me magnitudë 7.8, i cili goditi teksa njerëzit po flinin, u pasua nga dhjetëra pasgoditje, duke përfshirë një tërmet me magnitudë 7.5 që tronditi rajonin.
Teknologjia më e re e NASA-s mund të zbulojë rrahjet e zemrës së një personi edhe kur ata mund të ndodhen nën një grumbull të madh rrënojash ose mbeturinash të tjera.
FINDER dërgon një sinjal mikrovalë me fuqi të ulët – përmes rrënojave dhe kërkon ndryshime në reflektimet e atyre sinjaleve që vijnë nga lëvizjet e vogla të shkaktuara nga frymëmarrja dhe rrahjet e zemrës së viktimave.
NASA gjithashtu ndihmoi Turqinë duke ndarë pamjet e saj ajrore dhe të dhënat nga hapësira në mënyra që mund të ndihmojnë punonjësit e ndihmës dhe rimëkëmbjes në rajonin e goditur nga tërmeti. Kjo për të përmirësuar aftësinë e saj për të modeluar dhe parashikuar ngjarje të tilla.
“NASA është sytë tanë në qiell dhe ekipet tona të ekspertëve po punojnë shumë për të ofruar informacion të vlefshëm nga flota jonë vëzhguese e Tokës për reaguesit e parë në terren.” – tha administratori i NASA-s , Bill Nelson në një deklaratë javën e kaluar.
Foto nga Sky News, NASA/JPL-Caltech/DHS.
