A ju ka ndodhur shpesh të zgjoheni gjatë natës duke dëgjuar personin me të cilin po flini duke folur? Ose të keni qenë vetë ju që keni trembur dikë tjetër, dhe të nesërmen nuk keni kujtuar dot asgjë?
Të folurit në gjumë , është një lloj i zakonshëm i parasomnisë, dhe një sjellje jonormale gjatë gjumit. Gati dy në tre njerëz flasin në gjumë në një moment të caktuar te jetës së tyre – dhe kjo është e zakonshme veçanërisht tek fëmijët.
Sipas specialistëve , ai zakonisht është i padëmshëm, por herë pas here mund të jetë një shenjë e një çrregullimi më serioz të gjumit si edhe gjendjes shëndetësore.
Stresi ose alkooli mund të jetë dy faktorë kontribues të të folurit në gjumë. Gjithsesi ekzistojnë hulumtime dhe hipoteza të ndryshme për këtë.
Është e mundur që i foluri në gjumë të lidhet edhe me:
Apnenë e gjumit.
Çrregullimin e sjelljes së gjumit REM.
Çrregullimin e stresit post-traumatik.
Në rastet kur i foluri në gjumë ndodh papritur në një moshë të rritur dhe gjatë tij përfshihen:
frikëra të forta,
natyrë ulëritëse
veprime të dhunshme,
është i rekomandueshëm konsulti me një specialist të gjumit.
Foto nga The Guardian.
