Shpesh prindërit e gjejnë veten duke përdorur presion ose forcë për të bërë që fëmija i tyre të përfundojë vaktet. Po pse është e keqe t’i bësh presion një fëmije që të hajë? Dhe nga se vjen refuzimi i tyre?
Prindërit shpesh shqetësohen kur fëmija i tyre ha shumë pak ose refuzon plotësisht një vakt. Për disa, ky shqetësim mund të vijë veçanërisht nëse fëmija nuk duket i shëndtshëm dhe po humbet peshë. Për për prindër të tjerë, vaktet dhe pangrëna mund të jenë burim i një zhgënjimi.
Ndonjëherë sasitë e porcioneve që ne u shërbejmë fëmijëve janë të mëdha, që do të thotë se është e gabuar të pritet që fëmija të përfundojë vaktin. Pra, çdo vakt do të duket ‘i papërfunduar’. Në këtë rast, fëmija nuk ha shumë pak, por madhësia e porcionit është shumë e madhe.
Presioni për të ngrënë vjen nga:
Pëlqimi i pakët për ushqimin
Kjo mund të shkaktohet nga përvoja negative e të qenit i detyruar për të ngrënë. Fëmijët shpejt bëjnë lidhje mes ushqimeve dhe përvojave të pakëndshme që i shoqërojnë.
Nëse një fëmijë është nën presion për të ngrënë më shumë sesa dëshiron, atëherë ndjenjat negative emocionale dhe/ose të brendshme mund të lidhen me një ushqim të caktuar, duke çuar në një ulje të pëlqimit për ushqimin.
Më pak gatishmëri për të ngrënë ushqim
Në mënyrë të ngjashme, gatishmëria për të provuar një ushqim të caktuar mund të reduktohet nëse përvojat fillestare janë negative.
Për shembull, ekspozimi i parë i një fëmije ndaj lakrës mund të përballet me refuzim, kjo ardhur si shkak i përgjigjes së tyre natyrore të bazuar në neofobinë ose për shkak të mungesës së urisë.
Ngrënia e tepërt dhe mbipesha
Presioni ndaj një fëmije për të ngrënë mund të dëmtojë aftësinë e tyre për të mësuar kontrollin e duhur të oreksit. Fëmijëve u duhet dhënë mundësia të mësojnë të njohin sinjalet e urisë dhe ngopjes së trupit të tyre. Nëpërmjet përjetimit të ndjenjës së urisë fëmijët mësojnë se si trupi i tyre sinjalizon se kërkon më shumë energji dhe, anasjelltas, kur është konsumuar mjaftueshëm energji dhe është e përshtatshme të ndalet së ngrëni.
Foto nga DailyMail.
