Të gjithë e dimë se vezët japin shumë energji dhe përmbajnë përfitime të ndryshme. Ato janë të shëndetshme dhe të gjithanshme kur vjen puna për të gjetur mënyra të shijshme për t’i ngrënë ato.
Këto janë disa nga përfitimet e tyre dhe pse ju duhet të filloni t’i konsumoni më shpesh:
Ato përmbajnë lëndë ushqyese të shëndetshme për zemrën dhe parandalimin e sëmundjeve të zemrës.
Përmbajnë vitaminë A, e cila është thelbësore për shëndetin e syve. Mungesa e vitaminës A është shkaku më i zakonshëm i verbërisë tek fëmijët në vendet në zhvillim. Ato ofrojnë rreth 6 gramë proteinë të një cilësie të lartë.
Duke qënë se është një ushqim me proteina të larta ajo rrit ngopjen sepse është e pasur me lëndë ushqyese.
Vezët janë një nga opsionet më të mira ushqimore për të ndihmuar në menaxhimin e peshës. Disa studime tregojnë se njerëzit që hanë vezë në mëngjes ndihen më të ngopur dhe hanë më pak në drekë. Nivelet e larta të ngopjes së vezëve çojnë në ndjenja më të mëdha kënaqësie, më pak uri dhe një dëshirë më të ulët për të ngrënë më vonë gjatë ditës.
Ato gjithashtu janë ndër burimet më të mira dietike të kolinës.
Kolina është një lëndë ushqyese e rëndësishme që prodhohet në mëlçi, megjithatë, meqenëse shumica e njerëzve nuk prodhojnë mjaftueshëm kolinë për të përmbushur kërkesat ditore, ajo gjithashtu duhet të konsumohet përmes ushqimit që hani.
Kolina është thelbësore për funksionimin normal të qelizave, duke luajtur një rol ndikues në zhvillimin e trurit dhe palcës kurrizore gjatë shtatzënisë dhe gjithashtu ndihmon në uljen e rënies njohëse tek të moshuarit.
Vezët janë një burim i pasur koline duke siguruar më shumë se dyfishin e sasisë së kolinës për 100 g se çdo ushqim tjetër i konsumuar zakonisht.
Foto nga Keck Medicine of USC, Google.
