Rochester Hills, Michigan – Një incident i rëndë ka tronditur kampusin e Oakland University të enjten në mbrëmje, pasi një person u qëllua me thikë, duke çuar universitetin në një lockdown (izolim të plotë) ndërsa policia kërkon dy të dyshuarit e përfshirë. Ngjarja ndodhi rreth orës 8:15 të mbrëmjes, pranë ndërtesës Van Wagoner House, ku banorë dhe studentë dëgjuan thirrje për ndihmë dhe alarmuan shërbimet e emergjencës. Pas sulmit, personi i plagosur u dërgua në spital dhe u përgatit për operacion kirurgjik për plagët e marra. Autoritetet njoftuan menjëherë izolimin e kampusit dhe kërkimin intensiv të dy të dyshuarve që aktualisht janë ende në arrati.
Policia e Oakland University ka dhënë përshkrime të pjesshme për një nga të dyshuarit – një mashkull, veshur me rroba të errëta – dhe ka nxjerrë alarme për komunitetin e kampusit që të qëndrojë brenda ndërtesave dhe të ndjekë udhëzimet e sigurta të izolitimit. Sipas procedurave të universitetit për situata emergjente, studentët dhe stafi janë udhëzuar të mbyllin dyert, të qëndrojnë larg dritareve dhe të presin njoftimin “all clear” (çdo gjë në rregull) për të rifilluar lëvizjen normale. Për momentin, autoritetet kërkojnë çdo informacion të mundshëm për të ndihmuar në kapjen e të dyshuarve.
Foto nga Google Images
Artikulli pregatitur nga ACTVUSA
